04.06.07
Posted in Azken berriak, Emaitzak, Entrebistak, Golegileak, ITB(Itxaski Telebista), Loturak, Sailkapenak, Sailkatugabeak, bertsoak April 6, 2007 at 21:19 by zerdiok
Urte txarra izan denik ez dut esango; ona izan denik ere ez noski. Garbi dago gauza bat, igandero lagunekin elkartu gara elkarlana eta adin desberdinen arteko erlazioak handituz eta gauza berriak ikasiz, hau da garrantzitsuena.
Ikasi egin dugu eta zihur naiz, hurrengo urtea aurtengoa baino hobea izango dela. Zihur naiz.
Bestetik hurrengo urtean jarraitzera animatzen diet jokalari guztiei, talde bikaina osatu baitugu. ITXAS-LUR-i egurra.
OIER ARANZABAL
Permalink
03.30.07
Posted in bertsoak March 30, 2007 at 10:43 by zerdiok
ITXASKI F.C
-1-
Cromagnon-go gizonek
balletean nola
jolasten da Zarautzen
hondartzan futbola:
goizez eta oinutsik
lehengo eskola,
nahiz azkazalak hautsi
ez dio ajola.
Ez dadin esan kasta
galdua dagola!
-2-
Nahiz eta kirolean
ez geran eredu
bertso eskolan batek
egin zun erregu:
Guk ere ekipoa
osa dezakegu,
oraindik gazte xamar
itxuraz gaude gu,
Egañak bezainbeste
korrituko degu!
-3-
Mantxi botilleroa
edota atean,
Felix eta Xabier
atzeko partean
Aitor pibote gisa
guztien tartean
Oier ta Aranzabal
noski atakean
Hodei jubenila da…
hurrengo urtean.
-4-
Bistan denez, halare,
ez ginen nahikoak
gutxienez hamaika
behar ekipoak.
Fitxatu genituen,
ez nolanahikoak:
gazte korrikalari
eta sasoikoak,
eta bi beterano,
gordin antxekoak.
-5-
Escobar ta Andoni,
ateko pareta,
defentsan Arriaga
Beñat ta Urbieta,
Jon, Axi eta Orbek
zenbat lasterketa,
Perez, Harri ta Ima
indarrez beteta…
Fernando ta Txope ez,
za(ha)rrak dira eta!
-6-
Patrozinadorea
hurrengo problema:
aurkitzea dirua
jarri zezakena.
Itxaski jo genuen
guk egokiena
herri kaskoan dagon
betiko taberna,
urteko “isostarra”
zerbitzen duena.
-7-
Kamiseta horia,
guztiz dotorea;
Moskutik ikusten da
gure kolorea.
Ilunagoak dira
emaitzak ordea,
ekipo asko dago
gu baino hobea…
Urtzi behar genuke
entrenadorea!
-8-
Dena dela ez gera
ibili hain gaizki;
lehen urtea gendun,
egin degu aski.
Orain ospa dezagun
afari ta guzti,
eskatuz bi gin tonic,
lau ron, hiru whisky…
Kopen txapeldun baietz
atera Itxaski!
Permalink
